გუშინ გაიმართა სამეფო თასის ნახევარფინალური ეტაპის მატჩები. ”სევილიამ” შინ ”რეალთან” 0-1 დათმო, ხოლო ”ალმერია” სტუმრად ”ბარსელონასთან” 5-0 დამარცხდა. ცნობილი გახდა საპასუხო მატჩების დრო და თარიღი. ნახევარფინალის განმეორებითი მატჩები 2 თებერვალს, გაიმართება.
სამეფო თასის საპასუხო დაპირისპირებაში ”სანტიაგო ბერნაბეუზე” მადრიდის ”რეალი” ”სევილიას” უმასპინძლებს. შეხვედრა სტარტს ადგილობრივი დროით 22:00 საათზე (თბილისის დროით 01:00) აიღებს. ესპანეთის ფეხბურთის ფედერაციამ მატჩის განსჯა ტეხეირა ვიტიენესს ანდო. ხოლო ”ალმერიასა” და ”ბარსელონას” განმეორებითი დაპირისპირება ადგილობრივი დროით 20:00 საათზე (თბილისის დროით 23:00) დაიწყება. მატჩს ვალენსიელი არბიტრი, აიოზა გომესი განსჯის.